النهارده فى المصرى اليوم كان فى خبر لمفيد شهاب و هو بيقول احمدوا ربناو يبدوا ان الوزراء مش بقى عندهم غير احمدوا ربنا
على الاسعار و الطوارىء و الفساد و السرقه و انتهاك حقوق الانسان و ... و..
ناقص بعد كدا يقولوا احمدوا ربنا اننا معيشنكم فى البلد
على اساس انها بلدهم يعنى و احنا ملناش فيها
و علق كمان دكتور مفيد على ان القانون بيطبق على الارهابيين و لو القانون ده بيطبق على كل الناس مكنش حد هيقدر يفتح بقه فى البلد و لا كان فى جرايد معارضه و لا مدونين
و مكنش هيكون فى حد برا السجون
امال الناس اللى اعتقلت دى كان تهمتهم ايه و اسراء عبد الفتاح اتخدت ليه و ابراهيم عيسى عليه قضيه ليه
و فى نفس الموضوع برضوا اللى فى الصوره اللى جايه دى بقى العضو المحترم / على عطوه
و هو بيخرج لسانه للمعارضين علشان الاغلبيه وافقت على مد القانون
هو ممكن يكون صح بيطلع لسانه او لا يمكن نكون بنظلمه و يكون بوقه اتعوج من كتر الضحك على الشعب
و واضح فى الصوره برضوا باقى النواب و هما سعداء جداً جداً انهم هيعكننوا على الشعب اللى للاسف اختارهم
دا ان كان اخترهم صحيح و منجحوش بالتزوير
1 comment:
عارف يا بوحميد الموضوع ده بيفكرني بمين بالقصة بتاعة محنة الامام احمد عندما كان في السجن وجاله السجان وقاله هو انا اكده اكون من اعوان الظالمين .. فقاله لا بل انت من الظالمين انفسهم والنواب دول بقى بجد مش عارفلهم اذا كانوا من اعووان الظالمين ولا من الظالمين انفسهم ودي بقى حسب قلوبهم -ده لو عندهم من اساسه - بس لو هم عايزين يظلموا نفسهم ما يظلموا يا عم احنا ذنبنا ايه بس ارجع احط ايدي فوق راسي واخبط عليها بايدي التانية واقول احنا اللي جيبنا ده كله لنفسنا ايوا احنا الا من رحم ربي من اناس لا يرضون للظلم ان يكون متفشيا في مجتمعنا
Post a Comment