من يومين كل ميلاد الرئيس اللى تم فيه عامه الـ 80 و اقترب فيه من عامه الـ 27 من فتره رئاسته فى اليوم ده بجد بقيت تايه
مش عارف افهم حاجه اشوف الجرايد القوميه الاقى فيها مدح و ثناء على الريس و جهوده و انجازاته و صموده
اشوف جرايد تانيه اللى تابعه للمعارضه الاقى كلام تانى خالص كلام وحش و شتيمه وعرض لتاريخ سىء لفتره الرئاسه
و نفس الكلام على التلفزيون القنوات التابع للاذاعه و التلفزيون المصرى اغانى و تهانى و لقاءات عن الريس
و القنوات التانيه على العكس تماماً بجد بقيت قاعد و مش عارف افهم طب مين فيهم صح صور بتهتف للريس
و صور تانيه فيها ناس بتدوس على صوره الريس
بجد نفسى حد يقولى مين فيهم على حقو مين فيهم بيكذب علينا
من ضمن الاحاديث كان فى لقاء للريس و حرمه على قناه النيل للمنوعات الريس بيقول فيه انه تربى على الدين الاسلامى و سماحته و ان الاسلام مش بس صلاه و صوم و لكن الدين المعامله
بجد اللقاء كان جميل انا شخصياً كنت سعيد بالكلام اللى بيتقال
و على النقيض تلاقى حاجات تانيه بيتعرض فيها ان الدين مش المعامله بين المواطنين العاديين و الشرطه بتاعتنا
فهل الريس ميعرفش باللى بيحصل ده هل فى تعتيم على الاحداث انها مش توصل للريس و هل الريس مش حاسس باللى الناس فيه
كلام كتير اوى انا اتنمى ان بجد يكون فى مناظره بين الريس مثلا او متحدث بأسمه او رئيس الوزاره فى مقابله مع حد يتكلم بأسم الشعب حد يكون فاهم
يعرض كل موضوع و نشوفحد مش كل همه المعارضه و بس حد بيحب بلده
بجد انا لو فضلت اكتب هكتب من هنا لبكره فى ملايين علامات الاستفهام على كل حاجه
كلام عن نمو و ازدهار و استثمار
و كلام عن فقر و سوء اداره و سرقه و نهب
بجد انا خلااااااااااااااااص تعبت اوى نفسى افهم هو فى ايه ؟؟؟؟؟
1 comment:
حتى لو عرفت مين الي على حق هتعمل ايه ما الناس الي بتمدح و تكدب هى الاكتر و الناس الي بيقولوا الحق فجاه يختفوا انا بس عاوزة اعرف الريس هو عارف الي بيحصل فينا دة ولو عارف ازاى قاعد مرتاح في بيته و مبسوط و كل يوم ناس بتموت من الجوع و من الوقوف في تبور العيش حراااااام بجد احنا كنا من اكبر الشعوب تقدم وكان كل العالم بيجلنا دلوقتي ههههههههههه ربنا يسترها علينا و يرحمنا من الي بيجرالنا
Post a Comment